Тавре ҳамватанони азиз иттилоъ доранд, дуюми июни соли равон дар километри 138- уми роҳи автомобилгарди Душанбе-Чаноқ, дар масофаи 35 метр роҳ пурра фурӯ рафта буд. Ба шарофати тадбирандешиҳои бетаъхир ва масъулиятшиносии кормандони филиали Ширкат дар давоми ду соат пас аз рух додани ин офати табиӣ аз дили кӯҳ роҳи муваққатӣ эъмор ва ҳамон рӯз қитъаи зикршуда барқарор карда шуд.
Муфассалтар...
Ба маълумоти Шумо мерасонем, ки шурӯъ аз шоми дирӯз дар масири роҳи автомобилгарди Душанбе- Чанок боришоти давомдори барф ва борон идома дорад. Дар робита ба ин, кормандони намояндагиҳои филиали Ширкат фаъолияташонро беш аз пеш тавсеа бахшида, бо ҳисси баланди масъулиятшиносӣ пеш бурда истодаанд. Дар навбати аввал роҳ бо маводи зиддилагжиш коркард шуда, техникаҳои пуриқтидор дар ҳолати омодабош қарор доранд.
Муфассалтар...
Бо ифтихор аз Меҳани ободу зиндагии осуда яко- яки Шуморо бо Рӯзи Конститутсия, ки моҳиятан бахтномаи миллати кӯҳанбунёди мо маҳсуб мешавад, самимона табрик менамоям. Мавҷудияти ин ҳуҷҷати муҳим, ки дар он иродаи тоҷику тоҷикистониён ифода ёфтааст, замина фароҳам овард, ки дар ҳама ҷанбаҳо ба пешравиҳои қобили мулоҳиза ва арзандаи ситоиш ноил гардем.
Муфассалтар...
Бинобар шадид ва беист будани боришоти барф аз километри 155 то 173- юми роҳи автомобилгарди Душанбе-Чаноқ бо мақсади таъмини бехатарии ронандагону мусофирон, таври густардатар амалӣ намудани коркарди роҳ бо маводи зиддилагжиш ва аз ҳама асосӣ - аз байн бурдани тамбашавии воситаҳои нақлиёт, ки асосан ба воситаҳои нақлиёти гаронвазни притсепдор рабт дорад, тасмим гирифта шуд, ки ҳаракати чунин нақлиёт аз плазаи толлингии "Варзоб ба самти Хуҷанд ва аз плазаи толлингии "Шаҳристон " ба самти шаҳри Душанбе МУВАҚҚАТАН боздошта шавад.
Муфассалтар...
Се рӯз аст, ки дар масири роҳи автомобилгарди Душанбе-Чаноқ боришоти шадид ва беисти барфу борон ба падидаи маъмул табдил ёфта, сарбории кормандони филиали Ширкатро дучанд кард. Новобаста аз ин, кормандони мо тавонистанд рисолати худро дар сатҳи хубу сифати баланд ба ҷой оранд. Далели возеҳи ин гуфта мунтазам коркард шудани роҳ бо маводи зиддилагжиш, фавран тозакунии роҳ аз барф, бетаъхир бартараф намудани пайомадҳои резиши куҳпора ва дигар офатҳои табиӣ мебошад.
Муфассалтар...
Тавре ҳамватанони азиз иттилоъ доранд, шурӯъ аз дирӯз дар масири роҳи автомобилгарди Душанбе-Чаноқ боришоти барфу борон ба амал омада, айни замон низ беист идома дорад. Масъулиятшиносии кормандони филиали Ширкат замина фароҳам овард, ки роҳ сари вақт бо маводи зиддилагжиш коркард ва тавассути техникаву механизмҳои махсусгардонидашуда тоза карда шавад.
Муфассалтар...
Дар давоми чанд соли охир теъдоди онҳое, ки хеле хуб бурдани вазъи роҳи Душанбе-Чаноқро дар муқоиса бо дигар роҳҳои мамлакат эътироф мекунанд, тамоюли афзоишро касб кардааст. Иддаи дигар бо нигаронӣ намуданашон аз ҳолати бади дигар роҳҳои ба тозагӣ сохташуда собит менамоянд, ки дар сурати надоштани Нигоҳбони масъулиятшинос - филиали Ширкати саҳомии "Инновейтив Роуд Солюшнз ЛТД " дар муддати кутоҳ вайрону валангор шудани роҳи автомобилгарди Душанбе-Чаноқ ногузир аст.
Муфассалтар...
Борҳо гуфтем ва иловатан таъкид менамоем, ки муносибату таваҷҷуҳи роҳбарияти филиали Ширкат ба матолиби дар воситаҳои ахбори омма ва шабакаҳои иҷтимоӣ нашр ва пахш мегардида хоса буда, мо ин ҳамкориро ҷиҳати боз ҳам беҳбуд бахшидани фаъолият муфид арзёбӣ менамоем. Доир ба муроҷиати шаҳрванд Беҳруз Рустамов, ки дар шабакаи иҷтимоии “Фейсбук” нашр шуда, муаллиф масъули плазаи Чойрух Тутиев Фирӯзро ба тамаъҷӯиву ришвахӯрӣ айбдор менамояд, иброз менамоем, ки иншо ва пешниҳоди чунин муроҷиат ҳаққи шаҳрвандии ин нафар аст, ба шарте, ки муқаррароти пешбинишуда таври бояду шояд риоя шавад.
Муфассалтар...
Имрӯз аз километри 10 то 47 боришоти борон, аз 47 то 86 боришоти барф идома дорад. Аз километри 165 то 368 борон ва барф бо таваққуфи кутоҳмуддат борида истодааст. Лозим ба зикр аст, ки дар баъзе қитъаҳои роҳ баландии барф 25 - 30 сантиметрро ташкил медиҳад.
Муфассалтар...
Тавре дар матолиби қаблан дар саҳифаи мазкур ҷойгиршуда зикр карда будем, аксар маврид маҳз аз ҷониби ронандагон риоя накардани қоидаҳои ҳаракат дар роҳ боиси ба вуҷуд омадани тамбашавӣ, эҷод шудани мушкилӣ барои фаъолияти техникаву механизмҳои махсусгардонидашудаи филиали Ширкат мешавад.
Муфассалтар...
