Тавре қаблан иттилоъ дода будем, бо дарназардошти фаро расидани мавсими гармо,бояд шурӯъ аз 1-уми майи соли равон то 31 августи ҳамин сол маҳдудияти ҳаракати воситаҳои нақлиёт аз соати 10:00 то 20:00 ҷорӣ мегардид. Ин маҳдудият ба воситаҳои нақлиёти гаронвазн дахл дошта, ба ҳар як тири пешбаранда на зиёда аз 6 тонна пешбинӣ шудааст. Икдоми мазкур ҷиҳати иҷрои талаботи Қарори Ҳукумати Ҷумҳурии Тоҷикистон «Оид ба ҷорӣ намудани маҳдудияти мавсимии ҳаракати воситаҳои нақлиёт дар роҳҳои истифодаи умум» амалӣ шуда, баҳри эмин нигоҳ доштани роҳ аз вайроншавии пеш аз муҳлат ва таъмини бехатарии мусофирону ронандагон ва воситаҳои нақлиёт шароит фароҳам меорад. Ҳамватанони азиз шоҳиди ҳоланд, ки рӯзҳои охир ҳарорати ҳаво дар мамлакат тамоюли пастшавиро касб намуда, боришоти борон падидаи маъмул аст. Бинобар ин ин тасмим гирифта шуд, ки то баландшавии ҳарорати ҳаво ҷоринамоии маҳдудияти мавсимӣ барои воситаҳои нақлиёти гаронвазн мавқуф гузошта шавад. Лозим ба ёдоварист, ки ҷорӣ намудани маҳдудияти мавсимӣ падидаи нав набуда, дар давоми чанд соли охир филиали Ширкат онро ҷорӣ намуда истодааст. Ибтикори мазкур ба гарм шудани ҳаво ва дар ин замина пешгирӣ намудани осеббинии роҳ марбут буда, андешидани чунин тадбир зарур ва ногузир аст.