Филиали ширкати саҳомии “Инновейтив Роуд Солюшнз ЛТД” дар Ҷумҳурии Тоҷикистон, ки нигоҳдории роҳи Душанбе-Чанок ба зиммааш вогузор аст, сарфи назар аз вазъи обу ҳаво, фаъолияташро чун ҳарвақта дар сатҳи хуб ва сифати баланд ба роҳ мондааст. Иттилоъ медиҳем, ки ҳоло роҳ кушода буда, ҳаракати тамоми намудаи нақлиёт таъмин аст.

Бо истифода аз фурсат ба шаҳрвандон, ки дар рӯзҳои сербориши охир ҷаҳду талошҳои моро арҷгузорӣ ва тасмимҳои роҳбарият ва кормандони филиали Ширкатро дурурст дарк кардан арзи сипос менамоем.

Таъкид менамоем, ки тасмими мо дар мавриди муваққатан боздоштани ҳаракат дар рӯзҳои сербориш ва ҳолатҳое, ки хавфи тармафароӣ зиёд буд, қабл аз ҳама, ба таъмини бехатарии ронандагону мусофирон рабт дорад.

Ба ибораи дигар, мо наметавонем дар рӯзҳое, ки хавфи тармафароӣ хеле зиёд аст, бо иҷозаи ҳаракат додани гузариши воситаҳои нақлиёт ҳаёти ҳамватанонамонро зери хатар гузорем.

Боварӣ дорем, ки минбаъд низ ронандагону мусофирони гиромӣ ба иқдомоти филиали Ширкат, ки идомаи мантиқии ибтикори дар самти таъмини ҳаракати муназзаму бехатари воситаҳои нақлиёт қаблан амалишуда маҳсуб мешавад, дар заминаи ҳамдигарфаҳмӣ муносибат хоҳанд кард.