Хабарҳо

2019-04-08

Роҳи Душанбе - Чанок. Тармафароӣ др марҳилаи анҷомёбӣ буда,  шусташавии роҳ бар асари боришот шурӯъ шуд

Агар касе андеша дошта бошад, ки  бо сипаришавии фасли зимистон сарбории кормандони филиали Ширкати саҳомии “Инновейтив Роуд Солюшнз ЛТД” дар Ҷумҳурии Тоҷикистон кам шуда, мавсимҳои  боқимонда бидуни мувоҷеҳ гардидан бо мушкил ва ба сомон расонидани ибтикоре паси сар мешаванд, комилан иштибоҳ мекунанд.  Барои мисол, ҳарчанд баҳор фаро расидаву дар паҳноиҳо гармӣ рӯз то рӯз шиддат пайдо мекунад, вале дар масири роҳи Душанбе – Чанок то кунун фаромадани тармаҳо идома дорад.

Муфассалтар...

2019-04-06

БОРОНИ ПУРШИДДАТ БАЪЗЕ ҚИТЪАҲОИ РОҲИ ДУШАНБЕ - ЧАНОКРО ШУСТ

Бориши пуршиддати борон, ки шоми дирӯз ба вуқӯъ пайваст баъзе қитъаҳои роҳи автомобилгарди Душанбе-Чаноқро шуст. Ёдовар бояд шавем, ки ҳамасола дар ин мавсим, дар натиҷаи бориши шадиди борон ва баландшавии сатҳи оби дарёчаҳои кӯҳӣ  роҳи мавриди назар осеби ҷиддӣ дида, аз ҷониби филиали Ширкат барои ба ҳолати аввала баргардонидани онҳо маблағи зиёд харҷ мешавад. 

Муфассалтар...

2019-04-04

Дар моҳи апрел низ тармафароӣ давом дорад 

Дирӯз, дар километри 121- уми роҳи автомобилгарди Душанбе-Чаноқ тарма фаромада, дар ин замина ҳаракати воситаҳои нақлиёт мутаваққиф гардид. Шоистаи зикр аст, ки техникаҳои филиали Ширкат филфавр ба макони тармафароӣ сафарбар гардида, дар муддати кутоҳ тармаи мавриди назар бартараф карда шуд.  Айни замон роҳ кушода буда, ҳаракати воситаҳои нақлиёт таъмин аст. 

Муфассалтар...

2019-04-03

Муносибат ба ободонӣ хоса аст 

Бо нисбатан кам гардидани тармафароӣ ва бориши барф кормандони филиали Ширкат неруи кормандон ва техникаҳоро ба ободонии роҳ сафарбар намуда, дар ин замина ҳолати роҳи мавриди назар рӯз аз рӯз ва беш аз пеш беҳбуд ёфт истодааст.  Дар ин раванд таваҷҷуҳи асосӣ ба тозагии ҷуйборҳои канори роҳ ва аз байн бурдани таркишҳои дар роҳ пайдошуда равона шуда, барои дар сатҳи хубу сифати баланд амалӣ намудани корҳои ба ин самт рабтдошта аз имкониятҳои мавҷуда самаранок истифода карда истодаанд.

Муфассалтар...

2019-03-11

Роҳкушоӣ бо баҳои ҷон

Ногуфта пайдост, ки роҳи Душанбе – Чанок бинобар аз минтақаи нисбатан зиёдатар осебпазир аз офатҳои табиӣ  гузаштан махсусиятҳои худро дорад. Ҳарчанд дар паҳноиҳо бориши барф  охири моҳи январ шурӯъ гардид, вале дар масири роҳи мавриди назар аз шашуми октябри соли гузашта оғоз шуда буд.   Месазад аз он ёдовар шавем, ки дар давоми фаъолияти зиёда аз 10-солаи филиали Ширкат 9 корманди он ҳангоми иҷрои рисолат зери тарма монда, ҳалок шуданд. 

Муфассалтар...

2019-02-19

Такрори соли 2005 дар Тоҷикистон. Барфи файзбор ва хатарнок

Ҳавошиносон мегӯянд, захираҳои барф дар кӯҳҳои Тоҷикистон имсол ба ҳадде зиёд шуд, ки дар 14 соли ахир дида нашудааст. Бориши барфи зиёд барои Тоҷикистон, ки саргаҳи аслии об дар тамоми Осиёи Марказӣ ба ҳисоб меравад, фавқуллода муҳим аст, ҳарчанд фалокату хисороти зиёдеро дар пай дорад. Абдуёқуб Шоев, муовини сардори Маркази яхшиносӣ дар Оҷонсии обуҳавосанҷӣ дар Тоҷикистон рӯзи 18-уми феврал дар суҳбат бо Радиои Озодӣ гуфт, дар Майхура, дар куҳҳои Варзоб ва начандон дур аз Душанбе барф аз 2 метр ҳам баланд аст.”

Муфассалтар...

2019-02-13

Ҳамдигарфаҳмӣ дар рафъи мушкилот муҳим ва муфид аст

Тавре қаблан иттилоъ дода будем, субҳи имрӯз бинобар шадид ва беист будани бориши барф ва бениҳоят зиёд будани хавфи тармафароӣ дар асоси муқаррароти Фармоиши якҷояи вазоратҳои корҳои дохилӣ ва нақлиёти мамлакат ҳаракати ҳама намуди воситаҳои нақлиёт аз километри 47 - уми роҳи автомобилгарди Душанбе-Чаноқ ба самти Хуҷанд ва аз километри 81- ум ҷониби Душанбе муваққатан боздошта шуд. Бамаврид аст зикр созем, ки ҳаракати воситаҳои нақлиёт аз шаҳри  Хуҷанд ба шаҳри Паҷакент ва навоҳии Айнӣ ва Кӯҳистони Мастчоҳ  таъмин аст.

Муфассалтар...

2019-02-11

Шанбегиҳо ба тавсеаи ободкорӣ мусоидат мекунанд

Доир намудани шанбегиҳо дар раванди фаъолияти филиали Ширкат падидаи нав набуда, ин кори хайр ба ҳукми анъана даромадааст.  Муҳимтар аз ҳама, дар ин замина корҳои зиёди ба ободониву созандагӣ рабтдошта амалӣ шуда, ин раванд бемайлон густариш ёфта истодааст. 

Муфассалтар...

2019-02-05

ФАВРӢ!

Чанд лаҳза пеш ҳаракати воситаҳои нақлиёт (ба ғайр аз нақлиёти ядакдор ва "Фура" - ҳо) аз тариқи роҳи автомобилгарди Душанбе-Чаноқ, ки субҳи имрӯз дар асоси муқаррароти Фармоиши якҷояи вазоратҳои корҳои дохилӣ ва нақлиёти мамлакат муваққатан боздошта шуда буд, аз нав иҷозат дода шуд. Ҳоло ҳаракати воситаҳои нақлиёт аз самти Хуҷанд ба Душанбе роҳандозӣ шуда, дар наздиктарин фурсат ҳаракати автомобилҳо аз Душанбе ба самти Хуҷанд имконпазир хоҳад гашт.

Муфассалтар...

2019-02-05

ТАВАҶҶУҲ! 

Бинобар шадид ва беист будани бориши барф ва бениҳоят зиёд будани хавфи тармафароӣ дар асоси муқаррароти Фармоиши якҷояи вазоратҳои корҳои дохилӣ ва нақлиёти мамлакат ҳаракати ҳама намуди воситаҳои нақлиёт аз километри 47 - уми роҳи автомобилгарди Душанбе-Чаноқ ба самти Хуҷанд ва аз километри 81- ум ҷониби Душанбе муваққатан боздошта шуд. 

Муфассалтар...