Чун мо дар арафаи таҷлили бисту ҳафтумин солгарди Рӯзи Истиқлолияти давлатии кишварамон қарор дорем, Шумо, пайвандон ва аҳли кормандонатонро ба ин муносибат аз номи кулли кормандони филиали Ширкати саҳомии “Инновейтив Роуд Солюшнз ЛТД” дар Ҷумҳурии Тоҷикистон самимона табрик гуфта, орзумандам, ки ин ҷашни фархунда ба хонадони ҳар як сокини Ватани маҳбубамон файзу сурури идона ва бахту саодати поянда орад.
Муфассалтар...
Даҳ сол қабл дар асоси Шартномаи консессионӣ миёни Ҳукумати мамлакат ва Ширкати саҳомии “Инновейтив Роуд Солюшнз ЛТД” механизми институтсионалию инноватсионии истифодаи пулакии роҳи автомобилгарди Душанбе-Чанок ҷорӣ гардида буд. 10 соли сипаришуда барои роҳбарият ва кормандони филиали Ширкати зикршуда марҳилаи сабақомӯз, рушду такомул, тавсеаи равобит, ташаккули афкори ҷомеа маҳсуб мешавад. Бегуфтугӯ, нигоҳдории босамари роҳҳои мошингард дар баробари бунёди онҳо ҷанбаи муҳим ба шумор меравад. Ин ҳақиқатро дар аксари давлатҳо аллакай пазируфтаанд.
Муфассалтар...
Гузаштагони мо мақому моҳияти бузурги созандагиву пайвандгарии роҳҳоро ба инобат гирифта, дар тамоми давру замон барои бунёди роҳу пулҳо ва нақбҳо саъйу талош варзидаанд, ки «Ҷодаи бузурги Абрешим» намунаи барҷастаи чунин офаридгориҳост. Воқеан роҳҳо на танҳо масофа, балки қалбҳоро ба ҳам наздик месозанд. Ба бахти мо, тоҷикон, бо талошҳои пайвастаи Эмомалӣ Раҳмон, Президенти Ҷумҳурии Тоҷикистон, дар даврони соҳибистиқлолӣ раванди созандагиву бунёдкориҳо дар сартосари кишвар вусъати тоза касб карданд.
Муфассалтар...
- Бо дарназардошти таҷрибаи зиёд доштанатон дар соҳаи роҳу нақлиёт бигӯед, ки низоми толлингӣ чӣ бартарӣ дорад ва дар Ҷумҳурии Тоҷикистон ҷорӣ намудани он то чӣ андоза муҳим ва зарур аст? -Бо тақозои вазифа ман ба кишварҳои зиёди олам сафар доштам ва моҳияту зарурияти ҷоришавии низоми толлингӣ дар идораи роҳҳоро хуб медонам. Моҳиятан роҳи пулакӣ роҳест, ки ширкат барои нигоҳдориаш муваззаф буда, ҷиҳати ҷавобгӯи талабот будани он масъулият дошта, дар ин самт бояд аз имконоти дар ихтиёрдоштааш самаранок истифода намояд. Маъмулан ҳукумати кишварҳои рӯ ба рушд дар заминаи татбиқи чунин лоиҳаҳо, ки аксар маврид бо ҷалби сармояи хориҷӣ амалӣ мешавад, ҳолати роҳҳоро беҳтар менамояд.
Муфассалтар...
Нигоҳдории роҳҳои автомобилгард фаъолияти гуногунҷанба буда, мунтазам тоза кардану дар ҳолати хуб нигоҳ доштани ҷуйборҳои канори он чузъи таркибии ин раванд маҳсуб мешавад. Бо дарназардошти ин, дар тамоми намояндагиҳо тозакунӣ ва азнавсозии ҷўйборҳои мавриди назар мадди назар ќарор дошта, барои дар сатҳи хубу сифати баланд роҳандозӣ намудани ин кор аз тамоми имкониятҳо самаранок истифода мешавад .
Муфассалтар...
Бо мақсади пешгирӣ ва бартараф намудани падидаи номатлуб - аз меъёр зиёд бор гирифтани ронандагони воситаҳои нақлиёти боркаш филиали Ширкат тадбирандешӣ дошту дорад. Дар навбати аввал корҳои фаҳмондадиҳиро ба роҳ мондем, зеро беҳтарин васила баҳри рафъи мушкилот маҳз ҳамин усул аст. Мутаассифона, бо вуҷуди густурда будани корҳои фаҳмондадиҳӣ , на ҳама ронандагон муҳимияти масъалаи мавриди назарро дарк намуданд.
Муфассалтар...
Иттилоъ медиҳем, ки бинобар амалӣ намудани корҳои ба нигоҳдории нақби "Шаҳристон " рабтдошта пагоҳ, баъд аз нисфирӯзӣ ҳаракати воситаҳои нақлиёти боркаш дар давоми ду - се соат тариқи ин нақб маҳдуд карда мешавад.
Муфассалтар...
“IRS” барои дар сатҳи баланд ва ҷавобгӯйи талаботи бахши роҳсозӣ амалӣ намудани рисолаташ тибқи шартномаи консесионӣ бо Ҳукумати Ҷумҳурии Тоҷикистон имконият ва шароитҳои зарурӣ, аз қабили мутахассисони болаёқат, корхонаҳои истеҳсоли асфалт, таҷҳизоти замонавӣ, техникаҳои пуриқтидорро доро буда, аз онҳо самаранок истифода намуда истодааст. Бо дарки масъулият мегӯем, ки баланд бардоштани сатҳу сифати хизматрасонӣ ва дар ин замина мутобиқ намудани он ба талаботи байналмилалӣ яке аз самтҳои афзалиятноки фаъолияти филиали Ширкати саҳомии «Иновейтив Роуд Солюшнз ЛТД» дар Ҷумҳурии Тоҷикистон маҳсуб ёфта, дар ин ҷода мунтазам чорандешӣ мешавад.
Муфассалтар...
Борҳо гуфта будем ва иловатан таъкид менамоем, ки мунтазам ва густурда пешниҳод гардидани маълумот оид ба корҳои аз ҷониби кормандони филиали Ширкат амалишуда дар воситаҳои ахбори омма ва шабакаҳои иҷтимоӣ рабте ба худнамоиву ташвиқи бепоя надошта, ҳадаф якто - иттилоотонии аҳолӣ аст.
Муфассалтар...
Бидуни муболиға ва тамаллуқ метавон гуфт, ки дастоварду пешравиҳои филиали Ширкат хеле зиёд буда, дар бозгуйӣ намудани он ба камбуди далелу рақам мувоҷеҳ нахоҳем шуд. Хоса дар мавсими имсола, ки таъмири асосӣ ва ҷории роҳ ба марҳилаи сифатан нав ворид шудаааст, месазад, ки бо ҳисси ифтихор ин равандро дар шабакаҳои иҷтимоӣ ва дигар воситаҳои ахбори омма инъикос кард.
Муфассалтар...